OS MÉRCORES A FAMILIA VAI Á ESCOLIÑA!
Obradoiro e espazo de xogo para gozar e reflexionar ao mesmo tempo sobre a importancia do xogo libre. Este é un xogo de xogos onde xuntando, engadindo, montando e desmontando estimúlase a capacidade de experimentación, imaxinación e superación de retos. Coa guía de Gaia Ecocrianza descubriremos a importancia de que constrúan minimundos!
Familias con crianzas de 4 a 8 anos.
20 prazas
Inscrición previa en dlg@santiagodecompostela.gal (nome completo, idade de cada unha das persoas asistentes e teléfono de contacto). O prazo para inscribirse na actividade comezará ás 00 horas do mércores da semana anterior.
Para poder seguir as normas de hixienización, o acceso ao espazo comezará arredor de vinte minutos antes da actividade. Na sala de actividades entrarase sen calzado (aconséllase acudir con calcetíns grosos). Recoméndase acudir con roupa cómoda. É obrigatorio o uso de máscara en todo o local.