Concerto-presentación do novo disco infantil de Magín Blanco, Camiños, na Libraría Punto e Coma de Carballo
Venres 16 de febreiro | 19.00 h | Libraría Punto e Coma (Rúa Valle Inclán nº 1-3 baixo, Carballo)
Entrada libre e de balde até completar a capacidade do local.
Camiños é a nova aventura de Magín Blanco, un dos máis destacados músicos e compositores de Galicia para o publico infantil. Neste fermoso e completo traballo, Magin xunto ao ilustrador Leandro Lamas, presenta un libro-disco e un espectáculo teatral, no que inicia un novo camiño cheo de aventuras e misterios.
Camiños convértese nunha viaxe e un lugar de encontro e descubrimentos para os nenos e as nenas. A través de cancións, contos, poemas e textos de destacados/as escritores/as galegos/as e da inspirada musica de Magin, os/as mozos/as lectores/as atopan claves e pistas que á vez que lles divirten, contribúen ao seu desenvolvemento emocional.
Camiños é unha metáfora da vida onde conflúen música, teatro, poesía e contos, para estimular e enriquecer a imaxinación e a creatividade da rapazada.
Un libro de 68 páxinas (tapas duras e papel offset), un CD con 13 cancións orixináis e contos e poemas de Carlos Meixide, Víctor F. Freixanes, Ledicia Costas, Francisco Castro, Paula Carballeira, Anxos Sumai, Marta Somoza, María Lado, Antonio García Teijeiro e Eva Mejuto.