PAXARO AMIGO É un espectáculo no que o teatro e a música xogan xuntos a contar a historia dun ornitólogo que anda á procura dun “paxaro perdido, raro, en extinción”. Foxe das guerras, foxe da xente e atopa nos seus paxaros un recuncho de amor e paz. Polo camiño atopa unha muller misteriosa que a través das súas cancións vai entrando no corazón do ornitólogo, e xuntos descubrirán que: “a paz non hai que buscala nin no ceo, nin nas árbores, nin alén dos mares, a paz está dentro de cada persoa, e cos coidados necesarios crece cada día dentro de nós. Nas cancións hai mensaxes de compartir, de dar abrazos, beixos e apreixóns; de como “mola a amizade” ,e a través delas imos abrindo os camiños da paz …
As letras das cancións son de Carmen Gil, recoñecida autora a nivel nacional, as músicas de Gloria Mosquera, Mamá Cabra, e están recopiladas xunto con un conto no libro-CD: A bruxa Discordia. Cancións para a paz, editado por Galaxia.