Debido á situación sanitaria e ao estado de alarma no que nos atopamos, quedan adiadas as actividades do Apego en Pontevedra. Esperamos que a situación volva á normalidade o antes posible para retomar a axenda.
APEGO NA PRIMAVERA EN PONTEVEDRA
Como apoiar o comezo da vida, con Sonia Villanueva. Faladoiro para nais e pais de nenos/as de 0 a 6 anos; ata 25 persoas.
Este relatorio está dirixido a nais e pais co fin de orientar sobre a importancia do movemento libre e do xogo no desenvolvemento das crianzas durante os primeiros anos, a través da ollada da pedagoxía Pikler.
Sonia Villanueva é psicóloga, técnica en psicomotricidade. Está formada en Terapia de Xogo e na Pedagoxía Pikler. Traballa con familias interesadas en coñecer e aplicar modelos educativos e de crianza respectuosos coas nenas e cos nenos. Creou varios grupos familiares de Movemento Libre e Acompañamento e imparte talleres e formación a familias e profesionais sobre educación, desenvolvemento e coidados infantís.
Podes ver todo o programa do Apego na primavera en Pontevedra e inscribirte en apuntate.pontevedra.gal.