Castelao, un corazón á intemperie, de Fantoches Baj, en Ferrol

Unha proposta de narración oral, monicreques, música tradicional e teatro de máscaras que busca dar a coñecer a Castelao entre os nenas e os nenos, reler e interpretar parte da súa obra e poñer en valor o galego.

Fantoches Baj representará con marionetas parte da súa obra: contos de ‘Cousas’ (“Panchito” e a “Marquesiña”); narracións de ‘Retrincos’ (“Sabela” e “O inglés”), escenas de “Os vellos non deben namorarse” e o monólogo do esqueleto en “Un ollo de vidro”.

Para público familiar con nenas e nenos a partir de 6 anos.

Entrada de balde ata completar a capacidade do local

Martes, 4 de novembro, na capela do C.C. Torrente Ballester, ás 18.30 h