“Alicia chega unha noitiña á súa nova casa, un fogar moi particular que a esperta
con cancións e onde cada paso adiante lle permite descubrir cofres misteriosos
cheos de xogos e ilusións.
Luís Prego e Fabaloba únense nesta historia contada, cantada e mais ilustrada a
través das xanelas dun fantástico Kamishibai. No remate as persoas adultas poden
asistir a unha breve presentación do portal Alí de recursos en galego para a
educación infantil (aliali.gal) e, canda as nenas e nenos, manipular o material
presentado.”
Destinado a familias con nen@s de 0 a 6 anos.
Para vos inscribirdes, mandade un correo cos vosos datos a normalizacionlinguistica@ponteareas.es, chamade ao 986640000 (ext. 2505) ou pasade pola sección de Normalización Lingüística do Concello de Ponteareas.
Non será obrigatorio inscribirvos, mais en caso de alcanzar o límite de prazas, terán preferencia as familias que se rexistrasen primeiro.