Camiños de Magín Blanco en Moaña

CAMIÑOS é un espectáculo musical de formato individual no que Magín Blanco interpreta temas propios para a rapazada, guiando esta interpretación con contos, adiviñas e moitas sorpresas.

Esta é a proposta máis próxima entre público e autor na que Magín procura a axuda e a participación do público na interpretación das cancións e na resolución das cuestións que van aparecendo nestes Camiños.

Está recomendado a partir dos 3 anos de idade e vai ser signada por Xoga (Organización de Discapacidade Sensorial de Galicia), e dicir, vai contar cunha persoa intérprete en lingua de signos.