Camiños é un espectáculo musical, unha metáfora da vida onde conflúen música, teatro, poesía e contos para estimular e enriquecer a imaxinación dos rapaces e rapazas.
O músico Magín Blanco presenta o seu repertorio máis bailable e balsámico; ritmos para cativas e cativos intrépidos e cantadas doces para amigos invisibles. Todo cabe nestes Camiños polos que andar e medrar na busca do que queiramos conseguir
Magín procura a axuda e a participación do público na interpretación das cancións e na resolución das cuestións que van aparecendo nestes Camiños.
Idade recomendada: a partir dos 3 anos