FESTIÑA DO APEGO
Por impedimentos sanitarios vémonos na obriga trocar a actuación final da Festiña do Apego dos Trotaventos pola presentación do novo disco da Gramola Gominola.
Desexámoslles unha pronta recuperación aos Trotaventos e agardamos poder bailar coa súa Fiestra dos soños en vinderas datas.
A boa nova é que teremos a presentación do disco de A Gramola Gominola, Bravas. O rexurdir da luz! con cancións ben roqueiras e que poñen en valor as superheroínas que tratan de cambiar o mundo cos seus superpoderes loitando contra o abuso escolar, defendendo a lingua, protexendo a natureza e visibilizando as emocións. Eses valores cos que tanto concordamos!
As persoas que xa tivesen reservada a entrada para o anterior concerto poden reutilizala para o novo. As persoas que queiran realizar unha reserva han facelo a través de compostelacultura.gal
Recoméndase ler o protocolo de acceso aos espectáculos do Auditorio de Galicia. Pregamos que, como máximo, acuda unha persoa adulta por crianza e que non se retire entrada se non se vai asistir.