Bichocas de Atenea García en Moaña

Bichocas é un espectáculo dedicado á primeira infancia, onde os obxectos e a palabra nos fan viaxar a través do mundo animal.

As protagonistas das nosas historias aprenderán nesta viaxe a importancia de seren diversas e a posibilidade de compartir coas demais os seus afectos.

Esta actividade de narración oral está recomendada para nenas e nenos de 6 meses a 6 anos de idade e vai ser signada por Xoga (Organización de Discapacidade Sensorial de Galicia), é dicir, vai contar cunha persoa intérprete en lingua de signos.

Para poder seguir as normas de hixienización, o acceso ao espazo comezará arredor de vinte minutos antes da actividade. É obrigatorio o uso de máscara en todo o recinto.