MARTES DE CONTOS NO PARQUE!
É tempo de andar ao aire libre e… un ano máis gozar de historias no parque de Bonaval!
No primeiro martes de contos Sole Felloza contaranos como é posible “Bailar nas nubes”. Unha nena soña con iso mesmo, con bailar nas nubes, pero a súa casa está pegadiña á terra, moi, moi lonxe do ceo! Só a axuda de novos veciños fará que o seu soño sexa realidade.
De 0 a 6 anos
Reserva de entradas a partir do 27 de xullo en reservas.gal. As entradas poderán retirarse a partir do xoves anterior a cada un dos espectáculos.