Ascensión miúda en Compostela (sábado 12 de maio)

As familias que se acheguen ao Teatro Principal nestes días de festa poderán gozar de tres circuítos compostos por numerosas pezas de microteatro diferentes, que nos convidarán a coñecer espazos infecuentes deste fermoso edificio á vez que nos sorprenderán cos seus espectáculos. Nos dous circuítos de microteatro previstos para o sábado 12 de maio presentaranse as pezas de Marta Ortiz, Avelino González, Fátima Villamel e Pablísimo ás 11.30 h e Elefante Elegante, Martín Camiña, Vero Rilo e Anxo García ás 17 h. É preciso retirar as invitacións no despacho de billetes do Teatro Principal a partir do 4 de maio.

Este mesmo día tamén poderemos asistir á proposta poético-musical A fiestra dos soños dos Trotaventos ás 13 h e bailar cos ritmos e cancións d’As andanzas de Paio de Oviravai ás 18.30 h. A entrada é libre ata completar a capacidade.

Todas as actividades son recomendadas para nenos e nenas maiores de 4 anos.