Arre Ru en Narón

Arre Ru é unha palabra que vive na boca, non quere dicir nada, pero o A abre o asombro, o RRE a repetición, e o RU a delicadeza.

Comezamos prontísimo na vida a vocalizar e nos golpes de voz xa vai o arremedo de todos os estados de ánimo. Cando falamos de narración oral para bebés queremos dicir que a narración oral é importante desde os primeiros momentos da vida, introducímonos co(a)s bebés da man na selva das palabras e do sentido das palabras: nós sabemos dos carreiros, das fontes, das hortas e dos agochos; eles veñen vindo devagar pero sen pausa.

Data: venres, 10 de maio de 2019

Horario: ás 18:00 h (duración aproximada 30 minutos)

Lugar: centro cívico social de Piñeiros

Destinatari@s: nenos e nenas de 0 a 4 anos e as súas familias. Poderán asistir un máximo de 25 nen@s, que irán acompañad@s de, como mínimo, unha persoa adulta.

Organiza: Servizo de Normalización Lingüística – Concellaría de Ensino e Bibliotecas do Concello de Narón (proxecto Apego)

Actividade de balde, mais precisa inscrición previa a través de a.pita@naron.es

Na inscrición, que se poderá realizar do 6 ao 10 de maio, deben aparecer os seguintes datos:

• nome da actividade
• nome e idade do neno ou nena
• nome da nai, pai ou persoa acompañante
• enderezo electrónico
• teléfono de contacto

A participación será por estrita orde de inscrición.

Podedes descargar o cartel aquí