O grupo coruñés Pirilampo quere presentar con todos nós o seu quinto traballo, Serpe de cristal, un traballo co que gozar en familia da nosa música.
Pirilampo é un grupo grande e aberto que colabora con persoas, entidades, institucións… Musicalmente Pirilampo desenvolve un idioma propio, simple, alegre e directo, que trata de facer presente unha identidade propia mesturando instrumentos e sonoridades modernas e tradicionais galegas.
O espectáculo en directo é unha auténtica festa para nenos e nenas, non o perdas!
A inscrición comezará o vindeiro 14 de marzo a partir das 10.00 horas na plataforma ticketea. É necesario retirar un convite por cada persoa que queira asistir (crianzas e acompañantes).